نبذة عن المكان
شارع المعز مش مجرد شارع.. ده رحلة كاملة جوّه التاريخ، وواحد من أجمل الأماكن اللي ممكن تزورها في القاهرة لو بتحب الأجواء التراثية والتمشية اللطيفة . يُعتبر أكبر متحف مفتوح للآثار الإسلامية في العالم، كل خطوة فيه حواليك مباني عمرها مئات السنين، بيمثل عصور مختلفة: الفاطمي، الأيوبي، المملوكي، والعثماني، المكان متجدد ومُرمم، فهتحس إنه نظيف ومنظم رغم قدمه.. وأنت ماشي، هتعدي على معالم مذهلة زي: مسجد الحاكم بأمر الله. بيت السحيمي (بيت أثري بيديك إحساس الحياة زمان). باب الفتوح وباب زويلة (بوابات تاريخية ضخمة). الشارع بيبقى حيوي جدًا بالليل، والإضاءة بتخليه تحفة، هتلاقي مقاهي قديمة وجميلة تقدر تقعد فيها وتشرب شاي أو قهوة، ناس كتير بتيجي تتمشى، فالأجواء آمنة ومليانة حياة، قريب جدًا من خان الخليلي لو حابب تكمل يومك تسوق وتشتري هدايا.
